Mai derim kar!

Lintas langsung dari bilik 319 hehe..tetengah studi tetibe aku rase nak bukak Paul Tan, ushar keta-keta baru seantaro dunio.. 

Suma orang rasenye ade keta impian memasing..klu bahaso daerah aku, orang sebut dream car..samo la tu maksudnyo.

samo gak aku pun ado keto impian sendiri..tapi aku ni jenih tamak so aku klu buleh nak banyak2 la kan hehe..buek maso ni, inilah antaro keto impian aku..cekidout bebeh..

psstt..org kato, laki ngan keto tak leh dipisahkan..haa..samo la aku pun, klu buleh, nak menikoh ngan keto2 ni hehehee.. :p

yg ni namonyo mini cooper s..comey.. aku setat suko keto ni bilo tengok cito The Italian Job..lamo dah..lagi suko sobab heroin dio Charlez Theron ngan hero dio Mark Whallberg memang pojaan aku kat holiwood sano..memang aku suko abes la diorang ni, pakej ngan keto2 skali hehe.. 

yg ni pon mini jgk..tp tak sure plak spesis mano.. s or clubman or countryman...tp klu clubman ngan countryman memang sah-sah bukan...countryman body dio chubby sket..clubman plak lontik..mungkin yg ni pun spesis s jugak kot..ontah lah..lantok laa.. 

haa...yg ni baby baru..paneh laie nih..baru launched dua tiga hari lopeh..namo dio Inspira..segmen tempatan buatan Malaysia laa sonang cakap..anak Proton yg paling latest..ni model celup Mitshubishi Lancer spesis Evo sabona eh..klu Lancer tu hargo mau doket (+/-) 250k, tp yg ni x sampei 100,000 pun hehe..nampak sgt la model untuk anak2 Malaysia keto ni..tp takpo, xdo hal..aku suko sobab, buleh kato keto ni paling canggeh la takat ni dari Proton..

ni plak pandangan blakang..samo mcm Lancer jugak..punggung dio tinggi lebar gitu..kiro klu manusio,mantap abes la orang cakap..nengok blakang pun bleh terliur hehe..aku banggo sobab kek situ ado lambang Proton..slalunyo klu Lancer, lambang Mitshubishi..klu yg malu segang nak guno lambang ni, buleh la tukar kat woksop bubuh balik lambang Mitshubishi..rasonyo tak mahal kot dlm rm15 satu hehe..

haa...ni keto paling aku mengidam..namo dio Passat CC..model baru dari VW..yg baru lagi Polo mcm yg dok iklan kek Tv Malaysia tu haa..tp aku tak berkonan langsung ngan Polo..samo mcm Polo, CC ni pun Das Auto gak..ontah lah aku pun tak tahu apo bondonyo Das Auto tu huhu...kiro aku tengok keto ni, dio punya muko dopan tu, hensem kemain laie...aku bajet before 35, aku dah buleh pegang stereng keto ni sambil bini aku dok seblah hehe..insya-Allah.

ni plak, anak Honda..kilang Honda maksud aku..namo dio Stream spesis Modula..kiro yg ni dah ditalo (tala) sobab tu nampak elegen cenggini..model biaso takdo bodykit mcm dio ni..lagi plak, yg ni versi spesel edisen..klu proton, ado la label SE kat blakang tu..tp keto2 laen tak buek mcm proton tu..

cubo tgk blakang plak..aero, sofis, futuris..sumo tu takdo laie kek keto keluaran Proton takat ni...tp dongar2, Proton pun dah start develop keto jenih SUV dio sendiri..namo klu tak silap eh, MSX..kito tunggu yo laa bilo dio dah siap sok...

haaaaaa...tadaaa..hehe..ni lah keto idam-idamanku yg sejati..gilo semat dio ni...klu kek pasaran Mesia ni, hargo dia cocah 275K..kiro dio ni klu ikut hierarki, abang sket la kpd model Alphard...nak tau namo dio nih? meh aku bgtau..namo dio, Vellfire...tgk, namo je pun dah gerun...

tgk blakang plak..wuyooo....aku x leh bayang camno rupo mak ayah aku klu tetibo satu hari aku parking keto ni dopan pintu pagar umah aku..melopong gamoknyo huhu...memang dasat la dio ni...hargo pun dasat...bini aku, anak-anak aku sok kompem tiap minggu ajk aku naek genting, tak pun cameron tu haa...

apo-apo pun, insya-Allah...hehe.. =)